Монгол Улсын Төрийн соёрхолт, урлаг, соёл судлаач Ц.Санчир тэргүүтэй ТАСАМ-ын судлаачид Монголын Эзэнт гүрний уран барилга, хот байгуулалт, шинжлэх ухааны төв, одон орон, урлаг, соёлын дурсгалыг судлан сурвалжилж, баримтат гэрэл зураг, сурвалж бичигт тулгуурлан туурвисан “Эзэнт гүрний соёрхолт өв” гурамсан бүтээлийн тэргүүн боть.

Хархорум хотын 800 жилийн ойд зориулан баринтагласан тус бүтээл УИХ-ын даргын нэрэмжит шилдэг номын “Мэргэн ном” цом хүртсэн.

Дэлхийн 60 орчим улсад хийсэн эрэл хайгуул, судалгаа, зураг авалтын үр дүнд Монголын Эзэнт гүрний хот, суурин, уран барилгын дурсгалуудыг газар дээр нь судлан баримтжуулж, сурвалж бичгийн мэдээ, тайлбар, зүүлттэйгээр судалгааны эргэлтэд оруулсан.

Судалгааны хугацаа: 2009–2020
Бүтэц: 8 үндсэн бүлэг, 68 дэд бүлэг
Гэрэл зураг: 505
Гар зураг: 30
Нэмэлт: Нэрийн хэлхээ, номзүй

Хуудасны хэмжээ: 246 × 254 мм
Хэвлэл: Өнгөт хэвлэл, нуруу оёдолтой, тууз, капиталтай
Хавтас: Даавуун бүрэлттэй хатуу хавтас, металл өнгийн дардастай
Сул хавтас: 200 г матт цаас, өнгөт хэвлэл, матт бүрэлт, лак, товгор болон хонхор металл өнгийн дардастай
Нэрийн хайрцаг: Даавуун бүрэлттэй хатуу хийц, металл өнгийн дардастай, соронзон хаалттай
Нэрийн тор: 230 г цаас, өнгөт хэвлэл, матт бүрэлт, лак, товгор болон хонхор металл өнгийн дардастай